Monday 18th November, 2024 at 6:25pm
Chluich Partaig Thistle an geama as fheàrr aca den t-seasan seo, an aghaidh Hamilton Academical aig an Wyre Stadium, Firhill. ’S e na Jags a fhuair na trì puingean nuair a chrìochnaich an geama 5-1.
Thoisich Thistle gu luath, rudeigin a rinn iad ann an ceithir de na còig geamanan mu dheireadh aca le tadhal sa chiad chairteal na h-uarach. Fhuair Aidan Fitzpatrick am ball aig meadhan na pàirce agus, le ball sgoinneil tro dhìon Hamilton, choinnich e ri Scott Robinson, a chuir san lìon e agus leis am ball a’ bocail thairis air an neach-gleidhidh (6”).
Fhuair Scott Robinson tadhal eile san 20” às dèidh breab-oisein. Thàinig am ball gu ceann Dan O’Reilly agus bha Scott Robinson an sin airson dèanamh cinnteach gun deach e a-steach. 2-0
Fhuair Hamilton tadhal air ais dìreach ro leth-ùine (44”). Bha smachd aig Thistle den a’ bhall ach le pass air ais beagan lag – cha tàinig Myles Robert a-mach luath gu leòr agus b’ urrain Kevin O’Hara am ball a chuir san lìon.
Às dèidh leth-ùine, cha robh e fada gun d’fhuair Partaig Thistle tadhal eile (49”). ’S e Scott Robinson an turas seo a chuir am ball a-steach gu Brian Graham airson a chinn a chur air airson a’ chiad tadhal aige den gheama.
Chaidh na Jags 4-1 suas às dèidh mearachd bho Albinson, ruith Logan Chalmers sìos agus bha e furasta gu leòr dha am ball a chur a-steach gu lìon falamh (63”).
Thàinig Stuart McKinstry air a’ phàirc an àite Oliver Shaw san 65” airson Hamilton.
Thàinig an tadhal mu dheireadh den gheama le ball a chuir Aidan Fitzpatrick thairis a’ bhogsa gu h-ìosal agus air a bhreabadh dhachaigh le Brian Graham (66”). Às dèidh a’ gheama seo, tha Brian Graham 89 tadhalan fhaighinn ann an 182 geamannan dha Partick Thistle.
Anns an 75” thàinig Steven Lawless air a’ phàirc, a’ chiad turas às dèidh droch leòn. An turas mu dheireadh a chluich e geama, ’s e an aghaidh Dùn Phàrlain anns A’ Ghiblean. Cuideachd, thàinig Luke McBeth agus Aaron Muirhead air airson Logan Chalmers, Stuart Bannigan agus Robbie Crawford.
San 81” dh’atharraich Hamilton an sgioba le Jack Longridge a’ tighinn air còmhla ri Ben Williamson agus chaidh Stephen Hendrie dheth cuide ri Scott Martin.
Rinn Thistle na h-atharraichean mu dheireadh aca san 85”, Terry Ablade agus Liam Smith a’ tighinn air a’ phàirc airson Kyle Turner agus Aidan Fitzpatrick.
Thàinig na h-atharraichean mu dheireadh den a’ gheama bho Hamilton le Nikolay Todorov agus Steven Bradley a’ tighinn air agus Kevin O’Hara agus Euan Henderson a’ dol dheth san 90+1”.
Chrìochnaich an geama 5-1 agus 23 puingean, tha Partaig Thistle a’ suidhe anns an ceathramh àite, air cùlaibh Ayr United a tha dà phuing air thoiseach oirnn.
Teams
Partick Thistle – Myles Roberts, Kyle Turner (Liam Smith 80), Daniel O’Reilly, Lee Ashcroft, Harry Milne, Stuart Bannigan (Aaron Muirhead 75), Robbie Crawford (Luke McBeth 75), Logan Chalmers (Steven Lawless 75), Scott Robinson, Aidan Fitzpatrick (Terry Ablade 80), Brian Graham.
Unused substitutes – Mason McCready (G/k), Charlie Sayers, James Lyon, Ricco Diack.
Hamilton Academical – Charlie Albinson, Sean McGinty, Dylan McGowan, Euan Henderson (Steven Bradley 90), Scott Martin (Ben Williamson 82), Kevin O’Hara (Nikolay Todorov 90), Jamie Barjonas, Connor Smith, Oliver Shaw (Stuart McKinstry 65), Reghan Tumilty, Stephen Hendrie (Jackson Longridge 82).
Unused substitutes – Dean Lyness (G/k), Oludare Olufunwa, Daire O’Connor, Liam Morgan.
Referee – Ross Hardie
sgrìobhte le Benji Bell
written by Benji Bell
